Әлия Назарбаеваның күйеуі қоштасу хатын жариялады

KazTransOil АҚ сайтында бұрынғы бас директор Димаш Досановтың қоштасу хаты жарияланды. Бұл туралы Bugin.kz порталы kaz.orda.kz сайтына сілтеме жасап хабарлайды.

– «ҚазТрансОйл» АҚ бас директоры қызметінен кетуіме байланысты ұжымға, әріптестеріме бірге жұмыс істеген жылдар үшін алғыс айтқым келеді. Әрбір қызметкердің жоғары деңгейдегі кәсібилігі мен жауапкершілігінің арқасында компания басты мақсаты – мұнайдың апатсыз және үзіліссіз тасымалдануын абыроймен атқарып келеді, – деді Досанов.

Еске сала кетейік,  15 қаңтар күні «ҚазТрансГаз» және «ҚазТрансОйл» ұлттық компанияларынан Дариға мен Әлия Назарбаевалардың күйеулері Шәріпбаев пен Досанов басшы лауазымынан босатылды.

Димаш Досанов – «ҚазТрансОйл» АҚ бас директоры және басқарма төрағасы болған. Ол бірінші президенттің кіші қызы Әлия Назарбаеваға үйленгеннен кейін көп ұзамай 2016 жылы 6 тамызда жоғары лауазымға тағайындалған еді.