Атырауда полицейлер 18 жастағы мүгедек баланы ұрып, төлемақысын тартып алған

Атырау қаласының 18 жастағы тұрғыны Артур Қожаниязов 7 қаңтарда төлемақысын алып, сауда орталығына азық-түлік сатып алуға барған. Кіре берісте досы екеуінің жанына полиция қызметкерлері келіп, оларды қалалық полиция бөліміне алып кеткен. «Тәркілеу актісінсіз полицейлер телефонымды, әмиянымды тартып алып, шешіндірді, содан кейін мені ұра бастады» деді жігіт @orda_kz тілшісіне. Бұл туралы bugin.kz порталы хабарлайды.

Қожаниязовтың айтуынша, оған отыруға бұйрық берген, содан кейін қабырғасынан ұрған.

«Мен қатты айқайладым, оны бүкіл қабат, тіпті жедел жәрдем шақырған досым да естіді», - дейді жас жігіт.

Жедел жәрдем қызметкерлері жігітті облыстық ауруханаға жеткізіп, оның кеуде қуысының көгергенін анықтады.

«Бір апта өтсе де менің денем әлі ауырады. Мен астигматизммен ауырамын, жағдайым тек нашарлап барады. Оның үстіне полицейлер ұрланған ақшамды қайтармады», – дейді Артур Қожаниязов.

Ол қазір үйінде ем қабылдап жатыр. Қалалық полиция бөліміне арыз да жазып қойған.