Соғыс қаупіне байланысты Ресей Украинадан дипломаттарын эвакуациялауда

Соғыс қаупі туындауына байланысты Ресей Украинадан дипломаттарын эвакуациялай бастады. Бұл туралы Bugin.kz порталы avia.pro сайтына сілтеме жасап хабарлайды.

Ресей мен Украина арасындағы әскери қақтығыс қаупінің күрт артуы ресейлік тараптың Украина аумағынан дипломаттарын эвакуациялауды бастауға мәжбүр етті. Сонымен қатар қаңтар айының басында 18 ресейлік дипломат Украинадан шығып үлгерген. Бұл Ресейдің әскери қақтығыстардың қаупін жоғары бағалайтынын көрсетеді.

Ресейлік дипломаттарды Украинадан эвакуациялауға қатысты әзірге ресми түсініктемелер жоқ, дегенмен сарапшылар мұны дипломаттардың өздеріне төнген қауіппен байланыстырады. Өйткені өткен жылдың желтоқсан айында белгісіз біреу Ресей консулдығының қоршауына молотов коктейлін лақтырған болатын. Львовта немесе Донбасстағы жағдай аясында Ресей мен Украина арасындағы нақты әскери қақтығыстар қаупі төніп отыр.

Бір қызығы, осыдан бірнеше сағат бұрын Украина шекарасынан біршама аз қашықтықта көршілес Беларусь аумағында ресейлік әскери техника мен түрлі қару-жарақ салынған пойыздардың үлкен колонналары байқалды. Мұндай бағытта Ресей қарулы күштері Донбассқа тиімді соққы бере алады.