Қоғам
Алматы қалалық Полиция департаменті Баспасөз қызметі құпия түрде жерленген лаңкестердің жеке тұлғасы анықталғанын мәлімдеді. Бұл туралы Bugin.kz порталы BAQ.kz сайтына сілтеме жасап хабарлайды.
Бүгін Алматы қалалық Полиция департаменті мәйітханадан денелері зерттелмей әкетілген мәйіттердің жерленген орны анықталғанын хабарлаған еді. Енді олардың жеке тұлғасы анықталып жатқанын мәлімдеді.
«Олардың жеке тұлғасы анықталды. Медициналық-сот сараптамалары ҚР Қылмыстық іс жүргізу заңына сәйкес жүргізілетін болады», – делінген хабарламада.
Бұған дейін ПД-нің бастығы Қанат Таймерденов қылмыскерлер қаладағы мәйітханалардан 41 адамның мүрдесін алып кеткенін айтқан еді.
Bugin.kz
Қосымшаны жүктеп алыңыз
