«Мен өте ұзақ ойландым» - Президент отставкаға кетті

Армения президенті Армен Саркисян отставкаға кетті. Бұл туралы Bugin.kz порталы president.am сайтына сілтеме жасап хабарлайды. 

- «Мен өте ұзақ ойландым және төрт жылға жуық белсенді жұмыстан кейін Армения президенті қызметінен кету туралы шешім қабылдадым. Бұл мүлдем эмоционалды шешім емес және белгілі бір логикадан туындайды», - деді Саркисян Армения президентінің сайтында жарияланған мәлімдемеде.

Ол «Ел мен ұлт үшін қазіргі күрделі кезеңде ішкі және сыртқы саясаттың іргелі үдерістеріне әсер ету үшін президентте қажетті құралдар жоқ» - деп атап өтті.

Саясаткер «Ұлттық бірлік қажет кезде президент институты өсек пен қастандық теориясының объектісі болмауы керек» - деп атап көрсетті.

Осылайша, оның айтуынша, ол қоғамның назарын «ең маңызды мәселелерден» алшақтатады.