Алматыда тәртіпсіздік кезінде зардап шеккен жеке тұлғаларға өтемақы төленеді

Бүгіннен бастап Алматыда тәртіпсіздік кезінде зардап шеккен жеке тұлғаларға өтемақы төленеді. Бұл туралы Алматының тыныс-тіршілігін қалпына келтіру жөніндегі қалалық штаб отырысында әкімнің орынбасары Ілияс Өсеров хабарлады.

Жарақат алып, зардап шеккендерге өтемақы үш санат бойынша беріледі:

- ауыр дәрежеде - 2 млн теңге;

- орташа дәрежеде - 1 млн теңге;

- жеңіл түрде - 500 мың теңге есебінде.

Сонымен қатар ТЖ кезінде жұмылдырылған полиция департаментінің қызметкерлеріне, Қоғамдық денсаулық басқармасының қызметкерлеріне, құтқару қызметінің қызметкерлеріне қаржылай көмек төленеді.