ДДҰ COVID-19 пандемиясының қиын кезеңі туралы мәлімдеме жасады

COVID-19 пандемиясы қиын кезеңде тұр. Бірақ әлемде бұл өткір кезеңді тоқтатуға қажетті құралдар бар, деп Дүниежүзілік денсаулық сақтау ұйымының бас директоры Тедрос  Гебрейюс дүйсенбіде өткен брифингте мәлімдеді, деп хабарлайды Bugin.kz порталы.

- «COVID-19 пандемиясына үш жыл толды және біз маңызды кезеңде тұрмыз. Біз бұл пандемияның өткір кезеңін аяқтау үшін біріге жұмыс істеуіміз керек. Оның дүрбелеңге немесе немқұрайлылыққа апарып соғуына жол бермейікз. Бізде пандемияның өткір кезеңін тоқтату үшін барлық құралдар бар, бірақ оларды ақылмен пайдаланғанымыз жөн», - деді ол.

ДДҰ-ның Бас директоры COVAX вакцинасын тарату бағдарламасының бір бөлігі ретінде қазірдің өзінде 1 миллиард доза вакцина жеткізілгенін, бірақ барлық елдердегі вакцинация деңгейі әлі де идеалдан алыс екенін еске салды. Оның айтуынша, 34 ел халқының 10 пайызы екпе алмаған, ал 86 елде 40 пайыздан аз вакцина егілген.

2020 жылдың наурыз айында Дүниежүзілік денсаулық сақтау ұйымы (ДДҰ) COVID-19 жаңа коронавирусының жаһандық пандемиясын жариялады. Коронавирустың алғашқы індеті 2019 жылы желтоқсанда Қытайдың Ухань қаласында тіркелген.