Депутат Үкіметтен халық санағына жұмсалған миллиардтар туралы есеп беруді сұрады

Мәжіліс депутаты Елнұр Бейсенбаев үкіметтен халық санағына жұмсалған миллиардтар туралы есеп беруін талап етуде. Бұл туралы Bugin.kz порталы хабарлайды.

Мәжіліс депутаты үкіметті 2018-2021 жылдар аралығында ұлттық халық санағына жұмсалған тоғыз миллиард теңгенің есебін беруге шақырды.

Мәжілісмен республикалық маңызы бар қалаларда тұратын халық саны туралы ресми деректердің дұрыстығына күмән келтірді. Мәселен, жуырда жүргізілген ұлттық санақтың қорытындысы бойынша Алматыда 2,1 миллионнан астам адам, Шымкентте 1,1 миллион адам тұрады. Бірақ, парламентарийдің айтуынша, бұл қалалардың әрқайсысының халқы кем дегенде 400 000 адамға көп екені анықталды.