Ақтөбедегі жол апаты: Өзбекстан азаматы бес адамның өліміне себепкер болды

Ақтөбеде Самара–Шымкент тасжолында жол апаты болып, бес адам қаза тапты, деп хабарлайды bugin.kz порталы «Мой город» басылымына сілтеме жасап.

Мәліметке сүйенсек, 30 қаңтар күні кешкі сағат 19.20-да Өлке ауылына жақын жерде Mercedes жүк көлігі жолдың қарсы бетіне шығып кеткен. Рөлде Өзбекстан азаматы болған. Дәл алдынан Toyota Camry шыққан. Екі көлік бетпе-бет соқтығысты.

Қазіргі кезде Қылмыстық кодекстің 345-бабы, 4-бөлігі бойынша сотқа дейінгі тергеу шаралары басталды. Бұл бапта бес жылдан он жылға дейінгі мерзімге бас бостандығынан айыру жазасы қарастырылған.