Қызылордада жолаушылар мінген автобус өртеніп кетті (фото)

Қызылордада жолаушылар автобусы келе жатып өртенді. Бұл туралы Bugin.kz порталы облыстың Төтенше жағдайлар департаментіне сілтеме жасап хабарлайды.

Zhong Tong Bus №1 Қызылорда автопаркіне тиесілі автобус сол жағалаудағы көпірдің жанында өртенді. Өрт кезінде салонда автобустан өз бетінше шығып кеткен 16 адам болған. Шенеуніктердің айтуынша, көлік толығымен өртеніп кеткен. Құрбандар мен зардап шеккендер жоқ.

Өрт орнына Өрт сөндіру және авариялық-құтқару жұмыстары қызметінің тоғыз қызметкері мен үш техникасы шықты.