Алматыны «Алма-Ата» деп атайық деген петиция жарияланды

Бірқатар қазақстандықтар Алматы қаласының атауын «Алма-Ата» деп өзгертуге қол жинап жатыр, деп хабарлайды bugin.kz порталы newtimes сайтына сілтеме жасап.

– Біз екі миллион тұрғыны бар шаһар құлаққа жағымды әрі баршаға ұғынықты атауды иеленгенін қалаймыз. Бұл тұрғыда Алма-Ата атауы ең дұрыс нұсқа деп есептейміз. Сондай-ақ «ты» жалғауы қазақ тіліне жат. Бұл бізге жоңғардан енгенін ғалымдар да мойындауда. Ал «Алма-Ата» сөзі орысшаға аударғанға да ыңғайлы. Сондықтан қаланың жаңа әкімін шаһардың атауын өзгертуге шақырамыз, делінген петицияда. Қазіргі таңда петицияға қол қоюшылар саны 100 адамнан асып кеткен.