«Дикий Арманның» ұсталған сәтінен видео пайда болды (видео)

Алматыдағы жаппай тәртіпсіздік кезінде «Дикий Арман» лақап атымен танымал қылмыс әлемінің серкесі Арман Жұмагелдиевтің ұсталған сәтінен видео тарады.

Арнайы операция Алматыдағы қонақүйлердің бірінде болған. 7 қаңтарда Алматыда полицейлер «Дикий Арман» деген лақап атпен танылған Арман Жұмагелдиевтің ұсталғанын хабарлаған еді.

«Алматыда полицияның арнайы жасағы жүргізген операция барысында «Дикий Арман» деген лақап атпен танымал Арман Жұмагелдиев бастаған қылмыстық топтың 6 өкілі ұсталды.

- «Ұстау барысында күдіктілерден маркалары мен калибрі әртүрлі 4 жартылай автоматты тапанша және олардың оқ-дәрілері, суық қару мен брондалған автомобиль алынды», – деді министрлік өкілдері.