Алматы полициясы үндеу жасады

Алматыда таңғы сағат алтыдан бері 25-тен астам жол-көлік оқиғасы тіркелді. Қалалық Полиция департаменті мәліметінше, 10 жол-көлік оқиғасында зардап шеккендер бар. Бұл туралы Bugin.kz порталы хабарлайды.

Алматы полициясы көктайғаққа байланысты жүргізушілерді сақ болуға шақырды.

- «Таңғы сағат 6-дан бастап қаланың жоғарғы бөлігінде 25-тен астам жол-көлік оқиғасы болған, 10 апатта жарақаттанғандар бар. Жауын-шашын мен көктайғақ қаладағы жол жағдайын айтарлықтай қиындатқаны анық: жүріс баяулап, кептеліс байқалады. Осы факторлар қосылып, жалпы жол қозғалысы жағдайына кері әсерін тигізеді», - деді Алматы қалалық Полиция департаменті Жергілікті полиция қызметінің бастығы, полиция полковнигі Манап Саттаров.