Президент «Самұрық-Қазына» мәселесіне 10 күннен кейін қайта оралатынын айтты

«Самұрық-Қазына» қорының басшысы Алмасадам Сәтқалиев сатып алу мәселелеріне жауапты басшылар қызметінен босатылғанын айтты, деп хабарлайды Bugin.kz порталы.

55 адам жұмыстан шығарылды. Президент 10 күннен кейін қорды реформалау мәселесіне қайта оралатынын айтты. Қайта пішімдеу туралы бірнеше жылдан бері айтылып келеді, бірақ «әзірге мұнда айтарлықтай нәтижеге қол жеткізілген жоқ» - деді ол. .

- «Самұрық-Қазына» қоры бойынша, реформаларды іске асыру жоспарын 10 күннен кейін қайта толығырақ талқылайтын боламыз. Ол реформалар өте маңызды. Мен Мәжілістің отырысында сөйлеген сөзімде қорды шындап қайта құрылымдау қажеттігіне баса назар аудардым» - деді Тоқаев.