Тоқаевтың бастамасымен құрылған «Қазақстан халқына» қоры туралы тың дерек шықты

Қорда қазірдің өзінде 115 миллиард теңгеден астам қаржы жинақталған. Олар қазақстандық балалар мен қаза тапқан әскери қызметшілердің қажеттіліктеріне жұмсалады, деп хабарлайды bugin.kz порталы.

Алайда қазақстандықтардың өзекті мәселелерінің әлдеқайда көп екені белгілі болды. Мысалы, отбасылық мерекелер мен іс-шараларға жұмсалатын қаржы, несиені төлеу, көлік пен баспана сатып алу. «Қазақстан халқына» қорына осындай өтініштер әлі де түсіп жатыр. Адамдар әлеуметтік желілердегі мессенджерлерде және Қордың сайтында өздерінің «қалаулары мен қажеттіліктерін» жазады.

Сонымен қатар халық Қордың ақшасын күте алмайтындарын да айтып өткен.

«Біз халықтың қиындықтары бар екенін, соның ішінде қаржылық мәселелер болуы мүмкін екенін түсінеміз. Алайда бұл мәселелердің барлығын Қор шеше алмайды. Сондықтан Тұжырымдамада көрсетілген қызмет бағыттарымен мұқият танысуларыңызды сұраймыз», – деді «Қазақстан халқына» қорының ресми өкілі Әлібек Әбділов.