Полицияда маған тісін қайрап отырғандар бар – Мейіржан Төребаев

Қаржы пирамидасын құрып, оны басқарды деп айыпталған вайнер Мейіржан Төребаев өзін қаржы пирамидасының құрбаны санайды, деп хабарлайды bugin.kz порталы.

Мейіржан Төребаев Orda.kz тілшісіне қаржы пирамидасы ретінде танылған Mudarabah Capital-ға сенетінін, өйткені ол жерде достары бар екенін және режиссер Руслан Бұрқановты бұрыннан танитынын айтты. Одан бөлек ол кепілдікке беруі керек 3 миллион теңгені әлі төлемегенін айтып өтті.

Төребаевтың айтуынша, оған инвестиция ретінде салған 10 миллион теңгесінің 4 миллион теңгесі ғана қайтарылған. 2021 жылдың шілдесінде ол жәбірленуші деп танылады, Алайда кенеттен «Қаржылық (инвестициялық) пирамиданы құру және басқару» бойынша күдікке ілінген.