Назарбаевтар отбасының шетелдегі шоттары тексеріліп жатыр ма?

Сыбайлас жемқорлыққа қарсы іс-қимыл агенттігінің төрағасы Марат Ахметжанов «Назарбаевтар отбасының шетелдегі шоттары тексеріліп жатыр ма» деген сұраққа жауап берді, деп хабарлайды Bugin.kz порталы.

«Ол үшін қылмыстық іс қозғалып, ақшаның қылмыстылығы анықталуы керек. Егер басқа мемлекетте екені анықталса (…), тек осыдан кейін ғана – ол мемлекет салмақты дәлелдер ұсынғаннан кейін тексеруге болады. Қазір тексеріс жүргізіліп жатқан жоқ. Қылмыстық іс те өндірісте жоқ», - деді ол.