Илон Маск АҚШ билігін айыптады

Tesla компаниясының негізін қалаушы Илон Маск АҚШ реттеушілерін өзіне және компаниясына қарсы «себепсіз тергеу» жүргізді деп айыптады. Бұл туралы Bugin.kz порталы Reuters агенттігіне сілтеме жасап хабарлайды.

Миллиардердің адвокаттары Манхэттендегі федералды сотқа жолдаған хатында АҚШ-тың Бағалы қағаздар және биржалар жөніндегі комиссиясы (SEC) Маскты қудалап жатқанын айтты. Олар бизнесменді үкіметті ашық сынады деп айыптауда дейді Масктың адвокаттары.

- «ӘКК-нің күш-жігері жалпы қолданылатын заңдарды бейтарап түрде орындауға емес, Масктың құқықтарын жүзеге асыруын шектеуге бағытталған сияқты», - делінген хатта.

АҚШ Конституциясына енгізілген бірінші түзету сөз бостандығына кепілдік береді.

Айыптау Манхэттендегі АҚШ округінің судьясы Элисон Нейтанға жіберілген хатта келтірілген. Ол миллиардердің Tesla-ны мемлекеттік емес компанияға айналдыру жоспарлары туралы бірнеше жазбаларынан кейін ӘКК-мен 2018 жылғы келісімге төрағалық етті.

Даудың нәтижесінде бітімгершілік келісімі жасалған. Маск Tesla директорлар кеңесінің төрағасы қызметінен кетуге мәжбүр болды. 

Заңгерлер сонымен қатар ӘКК сот ісін реттеу аясында Маск пен компаниядан алған «Tesla акционерлеріне 40 миллион доллар төлеу туралы уәдесін орындамағанын» атап өтті.

Reuters атап өткендей, жағдай Маск пен АҚШ-тың қаржылық реттеушілері арасындағы оның әлеуметтік желілердегі белсенділігіне байланысты күресті күшейтіп жатыр. Оның Twitter-дегі жазбалары нарыққа жиі әсер етеді.