Маңғыстауда жалақыны көтеруді талап еткен энергетиктер тағы да митингіге шықты

Еңбекақыны көтеруді талап еткен энергетиктер Маңғыстау облысында наразылық акциясына шықты. Бұл туралы  Қазақстан социалистік қозғалысының жетекшісі Айнұр Құрманов айтты, деп хабарлайды Bugin.kz порталы.

Дүйсенбі, 21 ақпанда «МРЭК» АҚ энергетиктері ел және облыс басшыларына арнаған жаңа бейнеүндеу түсіріп алды. Өз мәлімдемесінде жұмысшылар жалақыларын кем дегенде 70-ке көтеруді, сондай-ақ сыйақылар мен міндетті жәрдемақыларды есептеуді талап етеді», - делінген Құрманов әлеуметтік желіде жарияланған хабарламада.

Айта кетейік, бұған дейін бұл ұжым өкілдері талаптар орындалмаса, жақын күндері ереуіл бастаймыз деп уәде берген болатын.