Желіде ер адамның маңдайына тапанша тақаған «Дикий Арманның» видеосы пайда болды

БАҚ беттерінде «қылмыс әлемінің серкесі» деп сипатталатын Арман Жұмагелдиевтің алдына алып келген адамның маңдайына тапанша тақаған видеосы желіде жарияланды, деп хабарлайды Bugin.kz порталы Orda.kz сайтына сілтеме жасап.

Журналист Махамбет Әбжан telegram-арнасында жариялаған бейнебақылау камерасына түскен кадрлардан белгісіз азаматтардың бір адамды «Дикий Арманның» алдына алып келіп, тізерлетіп отырғызғанын, өз кезегінде орындықта отырған Жұмагелдиев оның маңдайына тапанша тақағанын көруге болады.

Видеоға түсіп қалған адамдардың қолдарында ақ мата байланған болды. Еске салайық, Қаңтар қырғыны кезінде «Қазақстан» қонақ үйінде мұқтаждарға азық-түлік таратымын деп жариялаған жазбасында Арман Жұмагелдиевтің қолында дәл осындай ақ мата болған.

Видеоны осы сілтеме арқылы көре аласыз.