Киевте сирена дабыл қақты: Тұрғындар бас сауғалайтын жер іздеуде

Киевтің Майдан алаңында сирена дабыл қақты. Мұны әлеуметтік желіде тараған видеолардан көруге болады.

Сиренаның дауысы – тұрғындарға бас сауғалайтын жер, пана іздеуге ескерту жіберу белгісі.

"Новая газетаның" Киевтегі тілшісінің айтуынша, қазір қалада тыныш екенін, бірақ көшеде көп адамның жүргенін, көлік тығыны басталғанын айтады.

Украина қарулы күштері ДХР шекарасында ариллериялық канонада (бұрқыратып ату) болып жатқанын айтуда. Белоруссия мен Украина шекарасында да соғыс қимылдары жүріп жатыр.

Украинаның Қарулы күштерінің бас қолбасшылығы да таңғы сағат 5.00-тен бастап әскери нысандарға қарсы шабуыл жасалып жатқанын хабарлады.

Украина өзіне қарасты Донбасс облысында жаппай эвакуация бастады. Сондай-ақ, Украинаның Қырыммен шекарас аймағында да атыс жүріп жатқан көрінеді.