Путин соғыс басталғаннан кейін алғаш рет түсініктеме берді

Украина территориясына басып кіруге біз мәжбүр болдық. Одан басқа жол жоқ-тұғын. Бізде бұл әрекетке Украинаның өзі итермеледі.

Осылай деді РФ президенті В.Путин кәсіпкерлермен кездесу кезінде.

"Украина бізге қауіп төндірді. Бізге қауіп төнгені соншалық – басқалай жауап беруге мүмкіндік болмады да", - деп түсіндірді Путин әскери операция бастауының себебін.

"Біз бұл іске дайындалып, ақылмен ойластырып кірістік. Әлемдік экономикаға зиян тигізбеуді де ойластырдық. Әрі дүниежүзілік жүйеге зиян тигізбеуге барынша тырысамыз. Өйткені өзіміз де – осы әлемнің бір бөлігіміз", - деді Путин кәсіпкерлермен кездесуде.

"Билік бүкіл кәсіпкерлерге еркін жол ашып беруі тиіс. Ал кәсіп өкілдері билікпен тығыз қарым-қатынаста болғаны жөн", - деп толықтырды Путин тағы да.