Қорғаныс министрлігі қазақстандық әскерилерді Украинаға жіберу туралы қауесеттер шындыққа жанаса ма екенін айтты

Әлеуметтік желілерде Қазақстандық әскерилер Украинаға жөнелтіліп жатыр деген ақпарат тарап жатыр. Қазақстанның Қорғаныс министрлігі бұл ақпараттың шындыққа жанаспайтынын хабарлады, деп хабарлайды Bugin.kz порталы Stopfake сайтына сілтеме жасап.

Елдің Қорғаныс министрлігі қазақстандық әскери қызметкерлерді Украинаға немесе басқа елге жіберу туралы өтініштің түспегенін және ондай мәселенің қаралып жатпағанын мәлімдеді.

«Бейбітшілік пен қауіпсіздікті сақтау жөніндегі халықаралық міндеттемелерді орындау үшін Қазақстан Республикасы Қарулы Күштерінің әскери контингентін жіберу туралы шешімді ел Президентінің тиісті ұсынысы негізінде Парламент қабылдайды. Қазақстан Республикасы Қарулы Күштерінің әскери контингентін бейбітшілік пен қауіпсіздікті қолдау жөніндегі халықаралық міндеттемелерді орындауға жіберу туралы шешімді Парламент қабылдайды. Украинаға немесе кез келген басқа мемлекетке әскери қызметшілер сәйкесінше қабылданбаған және қарастырылмаған Қазақстан Қарулы Күштерінің жауынгерлік әзірлігін және жауынгерлік даярлығын арттыру бойынша жеке құрамның қозғалысына, даярлығына, дайындығына байланысты іс-шаралар жүргізіліп жатыр. Ал, Батыс Қазақстаннан еліміздің оңтүстік өңіріне бағытында ағымдағы жылдың 25 ақпаны мен 3 наурызы аралығында жөндеу жұмыстарын жүргізу үшін әскери техниканы теміржол көлігімен жоспарлы тасымалдау жүргізіліп жатқанын хабарлаймыз. Сонымен қатар көрсетілген мерзімде Алматы облысынан Ақтау гарнизоны әскери бөлімін жасақтау үшін әскери техникалар жөнелтілді», - делінген министрлік мәлімдемесінде.