Пентагон Путиннің ядролық қару туралы қысымына жауап берді

Пентагон Ресей президенті Владимир Путиннің ядролық қару туралы қысымына жауап берді. Бұл туралы Bugin.kz порталы РБК-Украина басылымына сілтеме жасап хабарлайды.

Аты-жөнін атауды жөн санамаған Пентагон шенеунігінің айтуынша, АҚШ шенеуніктері Путиннің мұндай шешімдер қабылдайтынына еш күмәнданбайды.

- «Бізде бұл мәліметтердің растығына күмәндануға негіз жоқ», - деді ол.

Ол сондай-ақ, бұл Путиннің қажетсіз қадамы екенін атап өтті, өйткені Ресейге НАТО мен Украина ешқашан қауіп төндірмеген.

Оның пікірінше, мұның соңы үлкен қауіпке әкеліп соқтыруы мүмкін. 

- «Біз өзімізді, одақтастарымызды және серіктестерімізді, соның ішінде стратегиялық тежеу ​​саласында қорғау қабілетімізге сенімдіміз», - деді АҚШ Қорғаныс министрлігінің ресми өкілі.

Еске сала кетейік, 27 ақпанда Путин Ресейдің ядролық тежеу ​​күштерін жоғары дайындық режиміне қойған болатын.