Лавров БҰҰ-ның Женевадағы отырысына қатыса алмайды

Ресей Федерациясының Сыртқы істер министрі Сергей Лавров БҰҰ-ның Женевадағы адам құқықтары жөніндегі кеңесінің отырысына қатыса алмайды. Өйткені олар санкцияларға байланысты Ресей СІМ ресімдеуден бас тартқан қосымша құжаттарды рәсімдеуді талап етуде. Бұл туралы «Россия-1» телеарнасының эфирінде Ресей Сыртқы істер министрлігінің баспасөз хатшысы Мария Захарова мәлімдеді, деп хабарлайды Bugin.kz порталы censor.net сайтына сілтеме жасап.

Захарова Еуропада Ресейге енгізілген жаңа санкциялық шектеулерді еңсеру қажеттілігіне эмоционалды түрде наразылық білдірді.

- «Не деген бос сөз! Қандай құжат, қандай ереже, қандай нұсқау? Бұл не туралы?» – деді Ресей Сыртқы істер министрлігінің ресми өкілі.

Басты себеп, ЕО-ның Ресей Федерациясына авиациялық санкциялар салып, ресейлік ұшақтардың өтуіне тыйым салуы және Лавровтың Женеваға Ресей үкіметінің ұшағымен ұшқысы келгені. Захарова осыған байланысты ресейлік делегациядан «ЕО елдері енді санкцияға ұшыраған ұшақтар үшін әзірлейтін кейбір құжаттарды ресімдеу керек» деп түсіндірді.

Ресей санкция талаптарын орындамайды.

- «Біріккен Ұлттар Ұйымы мен оны қабылдаған елдің міндеті, әсіресе дағдарыс кезінде мүше елдердің жұмысын қамтамасыз ету», - деп есептейді Сыртқы істер министрлігінің өкілі.

Нәтижесінде Лавров БҰҰ-ның жоғары деңгейдегі отырысына қатыса алмайды.