Қытай: «Украинадағы мәселе басқа елдердің мүдделеріне нұқсан келтірмеуі керек»

Қытай Сыртқы істер министрлігінің ресми өкілі Ван Вэнбин қазіргі уақытта қытайлық компаниялар Ресей Федерациясына қарсы санкцияларға қосылуды жоспарламағанын мәлімдеді. Бұл туралы Bugin.kz порталы  РИА Новости басылымына сілтеме жасап хабарлайды.

- «Қытай мәселелерді шешу үшін санкцияларды қолдануды құптамайды. Сонымен қатар халықаралық құқыққа негізделмеген біржақты санкцияларға қарсы. Біз америкалық тараптың Украина мәселесін шешуде Қытайдың және басқа тараптардың заңды құқықтары мен мүдделеріне нұқсан келтірмеуін талап етеміз», - деді Қытай өкілі.