Оңтүстік Корея Ресейдің жеті банкіне санкция салады

Оңтүстік Корея үкіметі АҚШ санкцияларына ұшыраған ресейлік жеті банк пен олардың филиалдарымен қаржылық операцияларды тоқтатуды жоспарлап отыр. Бұл туралы Bugin.kz порталы Yonhap басылымына сілтеме жасап хабарлайды.

Корея Республикасы санкцияларға белсенді түрде қатысады. Оның ішінде ірі ресейлік банктермен операцияларды тоқтату, ресейлік мемлекеттік облигацияларға инвестицияларды тоқтату, SWIFT-тен ажырату. Үкімет сонымен қатар АҚШ санкцияларына ұшыраған Ресейдің жеті ірі банкімен қаржылық операцияларды тоқтату туралы шешім қабылдады.

Сонымен қатар, республиканың Министрлер кабинеті жергілікті билік пен қаржы институттарына 2 наурыздан бастап шығарылатын ресейлік облигацияларға инвестиция салуды тоқтатуды ұсынады.

Басылымның мәліметінше, Сеул санкция мәселесінде толығымен Вашингтонды басшылыққа алады. Егер АҚШ ерекше жағдай ретінде ресейлік тараппен энергетика және ауыл шаруашылығы сияқты салаларда бизнес жүргізуге рұқсат берсе, Оңтүстік Корея да солай жасайды.

Республика президенті Мун Чжэ Ин өз кезегінде Украинаға гуманитарлық көмек көрсету жоспарын әзірлеуді тапсырды. Ол елдің сауда ағынының тұрақтылығын қамтамасыз етуге бұйрық берді, бірақ ел үкіметімен бірге Украинаға әскери көмек көрсетпейтінін айтты.