БҰҰ Ресейдің Украинаға қарсы қылмысын тексереді

Біріккен Ұлттар Ұйымының тәуелсіз комиссиясы Ресейдің Украинаға қарсы жасаған қылмыстарын тексермек. Бұл жайлы БҰҰ-ның баспасөз қызметі хабарлады.

"Адам құқықтары жөніндегі кеңес шұғыл түрде Ресейдің Украинаға қарсы агрессиясын тергеу үшін тәуелсіз халықаралық комиссия құру туралы шешім қабылдады", - делінген хабарламада.

Ресейдің әскери қылмысын тексеруге 32 мемлекет дауыс берген, екеуі қарсы шыққан. Ал 13 ел дауыс беруден қалыс қалған.

Айта кетейік, халықаралық Гаага соты да Ресейдің әскери қылмысын тексеруге кірісті.