Украинадан бір күнде 100 мың адам кетіп қалған

Өткен тәулікте Украинаны 100 мыңнан астам адам тастап кеткен. Бұл туралы Bugin.kz порталы Украинаның ішкі істер министрлігіне сілтеме жасап хабарлайды.

- «Украинаның батыс бөлігінде мемлекеттік шекарадан 118 мыңнан астам адам мен 13,5 мыңнан астам көлік өтті», - делінген министрліктің хабарламасында.

Бір тәулікте жолаушылар тасымалы 30 мың адамға артқан.

- «Елден 104 мыңнан астам адам кетті, Украинаға 14 мыңнан астам адам келді», - деп қосты Ішкі істер министрлігі.

4 наурызда Халықаралық көші-қон ұйымы Украинадан көрші елдерге кемінде 1,25 миллион адам келгенін хабарлады. Оның 672 мыңы Польшаға келген.