Ресей Киевтің Донбассты басып алу жоспарын қолға түсірді

Ресейлік әскери қызметшілердің қолына Украинаның наурызда Донбасқа басып кіруді жоспарлағанын дәлелдейтін Украина ұлттық гвардиясының құжаттары түсті. Бұл туралы Ресей Қорғаныс министрлігі ресми өкілі генерал-майор Игорь Конашенков мәлімдеді, деп хабарлайды Bugin.kz порталы 

- «Арнайы әскери операция кезінде ресейлік әскери қызметшілердің қолына Украина ұлттық гвардиясы қолбасшылығының құпия құжаттары түсті. Бұл құжаттар Киев режимінің 2022 жылғы наурызда Донбасқа басып кіруге жасырын дайындалғанын көрсетеді», — деді ол журналистерге.

Конашенков ақпанда батыс БАҚ-тары Киев билігінің Луганск және Донецск халықтық республикаларын басып алу жоспары жоқ екенін жарыса жазғанын айта отырып,  оның бәрін жоққа шығарды.

- «Алайда Украина ұлттық гвардиясы құпия әскери құжаттарының түпнұсқасы бұл мәлімдеменің жалған екендігін растайды», — деді генерал.