Назарбаев Анталияға ұшып келді

Тұңғыш Президент Нұрсұлтан Назарбаев Анталияға ұшып келді, деп хабарлайды Bugin.kz порталы.

- «Түркия Республикасының Президенті Режеп Тайып Ердоғанның шақыруымен Елбасы Анталияға Дипломатиялық форумға қатысу үшін келді», - деп жазды Нұрсұлтан Назарбаевтың баспасөз хатшысы Айдос Үкібай Twitter-де.

Анталия дипломатиялық форумы – өзекті жаһандық және аймақтық мәселелер бойынша пікір алмасуға арналған пікірталас алаңы. Бұл жолғы форум «Дипломатияны қайта құру» ұранымен өтеді.