Интерпол Ресейді ұйымнан шығарудан бас тартты

Интерпол Ресейді ұйымнан шығармайды, бірақ оның өтініштерін қарау тәртібіне өзгерістер енгізеді, деп хабарлайды Bugin.kz порталы.

Басылымда атап көрсетілгендей, Интерпол жарғысының 2-бабы ұйымды полиция ынтымақтастығын сақтауға және ашық байланыс арналарын қамтамасыз етуге шақырады. Интерполдың мандатында санкция салу немесе жазалау шараларын қолдану қарастырылмағаны, ал жарғыда мүше елді тоқтата тұру немесе одан шығару туралы ереже жоқ екені атап өтіледі.

«Интерпол Украинадағы қақтығысқа байланысты адамдардың қазасы мен азап шегуіне қайғырып, көңіл айтады. Соған қарамастан бейтараптық Интерполдың жұмысы мен өмір сүруінің іргелі факторы болып табылады, тіпті әсіресе мүше елдер қақтығысқа қатысқан кезде де. Интерпол тұрақты түрде осы ұстанымды ұстанады», - делінген хабарламада.