Ресейлік қоғам қайраткері: «YouTube Ресей заңнамасын бұзатын сайт»

«Қауіпсіз интернет лигасының» жетекшісі Екатерина Мизулина YouTube сайтын бұғаттауға шақырды. Бұл туралы Bugin.kz порталы tjournal сайтына сілтеме жасап хабарлайды. 

Оның пікірінше, YouTube Ресей заңнамасын бұзатын әлеуметтік желінің бір түрі.  Сондай-ақ, ол YouTube-ке қарсы ауыр шара қолданатын кез келді деп есептейді. 

- Барлық шулы қоғамдық мәлімдемелерге қарамастан, YouTube Ресей туралы фейктердің, шексіз экстремистік мәлімдемелер мен зорлық-зомбылыққа шақырулардың таралуына қолайлы жағдай жасауды жалғастыруда;

- YouTube - Ресей заңнамасын өрескел бұзушылардың бірі;

- Бірнеше жылдан бері платформа Ресей заңдарын, сондай-ақ Ресей соттарының шешімдерін жүйелі түрде бұзып, мүлде елемей келеді;

- Соңғы 2 аптада құқық бұзушылықтар жиілеп кетті;

- YouTube бейнехостингіне қатысты Google-дан 101 000-нан астам тыйым салынған мазмұн сұралды;

- Бүгінге дейін YouTube әкімшілігі Роскомнадзордың бұрын жіберілген талаптарында (2020-2021 жж.) қамтылған 2501 материалды жойған жоқ. Соның ішінде есірткіні қолдану жолдары, суицидке үгіт-насихат материалдары, атылған адамдардың кадрлары туралы ақпарат;

- Арнайы әскери операция басталғаннан бері YouTube Роскомнадзордың рұқсат етілмеген бұқаралық іс-шараларға қатысуға шақырған 1500 материалды алып тастау туралы талаптарын елемеді;

- Сонымен қатар, YouTube Роскомнадзордың Ресей Қарулы Күштері жүргізіп жатқан арнайы әскери операциясы туралы сенімсіз ақпараты бар 2387 материалды жою туралы талаптарын елемеген;

- Ввидеохостингте Ресей туралы ашық өтірік, зорлық-зомбылықпен қатысты тікелей эфирлер көрсетіліп жатса, біз не себепті шыдауымыз керек?

Оның пікірінше, YouTube Ресей заңнамасын ең ауыр бұзатындардың бірі.

- «Бұған шыдап келгеніміз жетер. Ресей ресурсты бұғаттауға толығымен дайын. YouTube-ке қатысты қатаң шаралар басталды» - деп жазды ол.