Путин мен Зеленский кездесуі мүмкін – Ресейлік БАҚ

РФ президенті В.Путин мен Украинаның президенті В.Зеленский кездесуі мүмкін. Нақтырақ айтсақ, Кремль билігі Путиннің Зеленскиймен кездесуге қарсы емес екенін жеткізді. Бұл жайлы РИА Новости жазды.

"Путин мен Зеленскийдің кездесуі – мүмкін болар жағдай. Кездесуі де мүмкін. Бірақ ортада жүрген келіссөз делегациялары толық келісімге келіп, шаруаны түйіндеуі керек", - деді РФ президентінің баспасөз хатшысы Дмитрий Песков.

"Ресей мен Украинаның президенттері кездесуі мүмкін" дегенді Түркия президенті әкімшілігінің ресми өкілдері де айтқан.

Тағы бір айта кететін дүние – Украина президенті В.Зеленскиймен РФ президентімен кездесуге дайын екенін бұған дейін де бірнеше рет айтқан. 3 наурыз бен 8 наурыз күнгі мәлімдемелерінде тұр. Алайда Путин тарапынан келісім болмады.