Путин тағы бір жаңа заңға қол қойды

Ресей президенті Владимир Путин азаматтық авиацияны қолдау шаралары туралы заңға қол қойды. Бұл ресейлік компаниялар жалға алған шетелдік әуе кемелеріне құқықтарды тіркеуге, сондай-ақ оларға отандық ұшуға жарамдылық сертификаттарын беруге мүмкіндік береді. Құжат құқықтық ақпараттың ресми порталында жарияланған, деп хабарлайды Bugin.kz порталы tass.ru сайтына сілтеме жасап хабарлайды.

Ресей Федерациясының Әуе кодексіне және бірқатар заңнамалық актілерге енгізілген түзетулер ресейлік авиакомпанияларға шетелдік әуе кемелерінің паркін сақтап қалуға және ішкі бағыттарда әуе кемелерін пайдалануға мүмкіндік береді. Азаматтық әуе кемелерін сертификаттау Көлік министрлігі айқындайтын сертификаттау орталықтары мен сынақ зертханаларын тарта отырып жүзеге асырылады.

Құжат сондай-ақ көліктік қауіпсіздікті қамтамасыз етудің техникалық құралдарын сертификаттау мерзімін 2022 жылғы 1 қаңтардан 2023 жылғы 31 желтоқсанға ауыстыруды көздейді. Бұл «көлік инфрақұрылымы субъектілеріне сертификаттау рәсімін өткізу үшін қажетті қаржы ресурстарын қайта бөлуге мүмкіндік береді».