АҚШ Мемлекеттік хатшысы: «Тәуелсіз Украина Путиннен әлдеқайда ұзақ өмір сүреді»

АҚШ Мемлекеттік хатшысы Энтони Блинкен тәуелсіз Украина Ресей президенті Владимир Путиннен әлдеқайда ұзақ өмір сүретінін айтты. Бұл туралы ол CNN телеарнасына берген сұхбатында мәлімдеді, деп хабарлайды Bugin.kz порталы.

- «Біріншіден, тәуелсіз Украина Владимир Путиннен әлдеқайда ұзақ өмір сүреді. Қалай болғанда да, Украина болады, бірақ Путин ол сәтті көрмейді», - деді Блинкен.

АҚШ мүмкіндігінше қаза мен жойылудың алдын алуға тырысады, деді ол.

- «Нақты мәселе - бұл арада Ресей агрессиясы қанша апат пен қирауға әкеліп соқтыруда. Біз Ресей жүргізіп жатқан соғысты шектеп, тоқтату үшін көп жұмыс істеп жатырмыз», - деді ол.