Ресей-Украина соғысы: Бүгін қандай маңызды оқиғалар орын алуда

Бүгін Украина мен Ресей арасында қандай оқиғалар орын алуда. Бұл туралы ақпаратты Bugin.kz порталы хабарлайды.

Украина деректері

Президент Владимир Зеленский Ресей Федерациясының Украинаға қарсы соғысы ұятпен және жоқшылықпен аяқталатынына мәлімдеді. 

- «Ресей азаматтары! Шынайы ақпаратқа қолы жеткен кез-келген адам бұл соғыстың сіздің еліңіз үшін немен аяқталатынын қазірдің өзінде белгілі болды. Ұят пен жоқшылық. Көп жылдар бойы оқшаулану. Ресей азаматтарына бірдей қарайтын өте қатыгез репрессиялық жүйе. Бұдан әрі не болатыны сіздердің әрекеттеріңізге байланысты», - деді Зеленский видео үндеуінде.

Владимир Зеленский Мариупольдегі жағдайдың әлі де қиын екенін айтты.

- «Ол жердегі жағдай өте қиын. Біз сіздер үшін күресіп жатырмыз. Кешіріңіздер, бәрі өте қиын жағдайда өрбуде. Гуманитарлық жүк тиеген украиндық колоннаны әлі күнге дейін қалаға барар жолда ресейлік сарбаздар тоқтатып тұр. Бірақ біз құтқаруға тырысамыз», - деді ол. 

Украина Қарулы күштерінің Бас штабы ресейлік тараптың әскерлерді оқ-дәрімен қамтамасыз етуде проблемалары бар екенін мәлімдеді. 

Украина мен Ресей делегациялары арасындағы келіссөздер тоқтатылды, олар 16 наурызда жалғасады. Украина президенті кеңсесі басшысының кеңесшісі Михаил Подоляк ымыраға келуге мүмкіндік бар екенін айтты.

- «Біз ертең жалғастырамыз. К еліссөздер процесі өте қиын жүруде. Түпкі қайшылықтар бар. Үзіліс кезінде кіші топтарда жұмыс жалғасады», - деді Подоляк.

Ресей деректері

Кейбір еуропалық елдер белсенді түрде НАТО мен АҚШ-тың ықыласына бөленуге ұмтылуда, деп хабарлады РИА Новости агенттігіне берген сұхбатында РФ СІМ төртінші еуропалық департаментінің директоры Юрий Пилипсон.

- «Еуропалық Одақ пен НАТО-ға мүше елдер, ең алдымен, атышулы еуроатлантикалық ынтымақтастық рухында әрекет етеді. Өкінішке орай бірқатар жағдайларда, біз жекелеген астаналардың Брюссель мен Вашингтонға ұнамды болуға деген белсенді ұмтылысын байқап жатырмыз», - деді Пилипсон.

КХДР (Қазақстан Республикасында мойындалмаған) атысты тоқтату режимін бақылау және үйлестіру орталығындағы өкілдік 17 ақпаннан бері Донбасста 49 бейбіт тұрғынның қаза тапқанын хабарлады.