Тоқаев Украинадағы азаматтарды елге қайтаруға атсалысқан адамдарды марапаттады

Мемлекет басшысы Украинадағы Қазақстан азаматтарын эвакуациялауға қосқан үлесі үшін бірқатар азаматтарды марапаттады. Бұл жайлы Ақорданың баспасөз қызметі хабарлады.

ІІІ дәрежелі «Барыс» орденімен

Калетаев Дархан Аманұлы – Қазақстан Республикасының Украинадағы Төтенше және Өкілетті Елшісі;

І дәрежелі «Айбын» орденімен

Қызыр Думан Манарбекұлы – Қазақстан Республикасының Украинадағы Елшілігінің кеңесшісі;

ІІ дәрежелі «Достық» орденімен

Қаражанова Макка Сағынғалиқызы – Харьков қаласындағы қазақ диаспорасының жетекшісі, Украина

Маслюк Галина Дмитриевна – Қазақстан Республикасының Львов қаласындағы құрметті консулы, Украина;

«Құрмет» орденімен

Әлібеков Аслан Аманжолұлы – Қазақстан Республикасының Украинадағы Елшілігінің кеңесшісі (консулдың міндетін атқарған);

«Ерен еңбегі үшін» медалімен

Жаманқұлов Рүстем Тұңғышбайұлы – Қазақстан Республикасының Молдова Республикасындағы Елшілігінің Уақытша сенімді өкілі

Кагенов Азамат Мағжанұлы – Қазақстан Республикасының Румыниядағы Елшілігінің атташе – консулы

Маманов Дархан Серікұлы – Қазақстан Республикасының Ресей Федерациясындағы Елшілігінің екінші хатшысы – консулы

Сәбитұлы Бекзат – Қазақстан Республикасының Польша Республикасындағы Елшілігінің бірінші хатшысы  – консулы;

«Шапағат» медалімен

Амангелдин Руслан Берекеұлы – Қазақстан Республикасы Сыртқы істер министрлігінің департамент директорының орынбасары

Денисенко Анна Владимировна – Қазақстан Республикасының Украинадағы Елшілігі консулының көмекшісі

Қаржаубаев Азамат Құдайбергенұлы – Қазақстан Республикасының Украинадағы Елшілігінің екінші хатшысы

Тұяқбаев Шыңғыс Ермекұлы – Қазақстан Республикасындағы волонтерлік корпустың жетекшісі.

Айта кетейік, Қазақстанның Украинадағы елшілігі мен ҚР СІМ сол елде қалған ел азаматтарын эвакуациялауды дер кезінде ұйымдастырып, елге 580 азамат оралған еді.