Танымал футболист Біржан Оразовқа неліктен награда берілмеді?

"Еуропаның ең үздiк бомбардирі" атағын алған футболст Біржан Оразов мемлекет тарапынан, ҚР мәдениет және спорт министрлiгi тарапынан ешқандай құттықтау, тым болмағанда алғыс хат болмағанын жазды, деп хабарлайды Bugin.kz порталы футболистің Instagram парақшасына сілтеме жасап.

"Елiмiздiң Президенті Қасым-Жомарт Тоқаев, наурыз мейрамына орай, Республикамыздың әлеуметтік-экономикалық және мәдени дамуына улес қосқан, белсендi қоғамдық қызметкерлерді және тағы сол сияқты ерен еңбектерi үшiн бiр топ азаматты мемлекеттік наградалармен марапаттады.

"Сол тiзiмде неге сен жоқсың?" сынды сұрақтарды біраз адамдардан алып жатырмын. "Қай ата-бабаң Еурода бомбардир атанды" деген пікірлер де келiп жатыр.

"Еуропаның ең үздiк бомбардирі" атағын алғалы мемлекет тарапынан, ҚР мәдениет және спорт министрлiгi тарапынан ешқандай құттықтау, тым болмағанда алғыс хат болған жоқ.

Шындап келгенде, бұл марапаттар маңызды емес. Маңыздысы - менің халқымның қолдауы, елiмнiң атынан паркетке шыққанда тақымын қысып бiзге қолдау көрсеткені. Халқымның ықыласы қадiрi кеткен медальдан артық!

Дегенмен осындай дәрежеде ойын көрсетіп, Еуропа,əлем деңгейінде нәтиже көрсетіп жатқан спорт түрiн неге қолдамасқа? Бұл жанып келе жатқан жаңа буынға үлкен ынта болар едi!", - деп жазды ол.