24 наурызға қараған түні Украинада қандай оқиға орын алды

24 наурызға қараған түні Украинада қандай оқиға орын алды. Бұл туралы Bugin.kz порталы хабарлайды.

Зеленский әлем халқын ашық наразылық білдіруге шақырды

Украина президенті Владимир Зеленский дүние жүзіндегі адамдарды соғысқа қарсы наразылық шеруіне шығуға шақырды.

- «Ресей соғысы тек Украинаға қарсы соғыс емес. Оның мәні әлдеқайда кең. Әлем Ресейді тоқтатуы керек. Алаңдарға, көшелерге шығыңыздар. Өздеріңізді көрсетіп, естіртіңіздер. Адамдар маңызды, бостандық маңызды, бейбітшілік маңызды, «Украина маңызды» деп айтыңыз», - деді Президент видео үндеуінде.

Инсайдер тілшісі Киевтегі атқылаудан қаза тапты

The Insider басылымының редакторлары өздерінің журналисті Оксана Баулина Киевте тапсырманы орындау кезінде қайтыс болғанын хабарлады. Қыз интернет-басылымға ақпараттарды Киев пен батыстағы Львов қаласынан хабарлады. Ол Подольск облысын атқылаудан кейінгі қирауды түсіру кезінде қайтыс болды. 

Ресей АҚШ-тың киберқылмыс туралы ескертуін «абсурд» деп атады

Ресей Сыртқы істер министрінің орынбасары Олег Сыромолотов АҚШ-тың «Ресей Батыс компанияларының Ресейден шығарылуына жауап ретінде кибершабуылдар жоспарлап отыр» деген мәлімдемесін айыптады.

- «Көп жылдар бойы Вашингтон Ресейдің Америка Құрама Штаттарына қарсы жоспарлаған кейбір зиянды кибер әрекеттері төңірегінде истерияға айналдыруда. Бізге тағылған бұл айыптаулар қисынсыз», - деді Сыромолотов.

Пентагон Ресей Федерациясы Қорғаныс министрлігінің басшылығымен байланысудан бас тартқанын хабарлады

АҚШ-тың жоғары лауазымды әскери шенеуніктерінің ресейлік әріптестерімен бір айда бірнеше рет сөйлесуге тырысқанын, алайда Мәскеу қарсы шыққанын мәлімдеді, деп хабарлады Пентагон баспасөз хатшысы Джон Кирби.

Оның айтуынша, Ресей қорғаныс министрі Сергей Шойгу мен Ресей Қарулы күштері бас штабының басшысы Валерий Герасимов АҚШ қорғаныс министрі Ллойд Остинмен және АҚШ штаб бастықтарының біріккен комитетінің төрағасы Марк Миллимен сөйлесуден бас тартып отыр.

Львовтық онкологтар дәрі-дәрмек алуда қиналып жатыр

Львовтық онколог Роман Шиян ауруханаларда емделу үшін химиотерапиялық препараттар жетіспейтін науқастардың көп ағыны бар екенін айтты.

Оның айтуынша, Польша-Украина шекарасындағы логистикалық мәселелерге байланысты Польшадан көмек алу қиын.

«Харьковте мыңдаған тұрғын үй қирады» - қала мэрі

Харьков мэрі Игорь Терехов ресейлік әскерлер Харьковте 998 тұрғын үйді қиратты, деп хабарлады Интерфакс-Украина. Тереховтың айтуынша, қалада барлығы 1143 инфрақұрылымдық нысан қираған.

- «Біздің волонтерлар бүгінде қалпына келтіруге мүмкіндігіміз бар жерлерін ғана ретке келтіруде. Біз әлі де үйлерге су беріп жатырмыз, жылу беруді ұйымдастырамыз», - деп қосты ол.

Ұлыбританияның көлік министрлігінің басшысы ресейлік тікұшақты қамауға алуға бұйрық берді

Көлік министрі Грант Шаппс Twitter-де британдық құқық қорғау органдары Ұлыбританиядағы жеке аэродромда тұрған ресейлік тікұшақты тұтқындау керек деп мәлімдеді.

- «Қазір Ұлыбританияда жүрген Ресейге тиесілі тікұшақты жеке аэродромда ұстауды қамтамасыз ету туралы қаулыға қол қойылды», - деді ол.

«Францияда ресейлік олигархтың екі яхтасы ұсталды» - БАҚ

Францияда екі яхта қамауға алынды. Олар, ЕО санкция тізімінде тұрған ресейлік миллиардер Алексей Кузьмичевке тиесілі. Яхталардың жалпы құны 90 миллион еуроға бағаланады. Алексей Кузьмичев - Alfa Group инвестициялық консорциумының негізін қалаушылардың бірі.

БҰҰ Украинадағы денсаулық сақтау мекемелеріне жасалған шабуылдардың санын атады

Дүниежүзілік денсаулық сақтау ұйымы (ДДСҰ) 24 ақпан мен 21 наурыз аралығында Украинадағы медициналық мекемелерге 64 шабуыл жасалып, нәтижесінде 15 адам қаза тауып, 37 адам жарақат алғанын хабарлады.