Ұлттық Олимпиада комитеті Рахимовтың алтын медальдан айырылуына қатысты пікір білдірді

Қазақстанның Ұлттық Олимпиада комитеті Нижат Рахимовты алтын медальдан айыру туралы шешімге қатысты пікір білдірді, деп хабарлайды Bugin.kz порталы Stan.kz ақпарат агенттігіне сілтеме жасап.

Комитет зілтемірші Нижат Рахимовты алтын медальдан айырғаны туралы Халықаралық Олимпиада комитетінен әлі ресми хабарлама алмаған.

«Қазақстан Республикасының ҰОК Халықаралық Олимпиада комитеті (ХОК) мен Дүниежүзілік допингке қарсы агенттіктің (WADA) допингке қарсы саясатын қолдайды. Қазақстанның ҰОК саясатын жүзеге асырады. ХОК-тың допингке қарсы ережелері мен белгіленген нормаларын сақтау және Олимпиадалық хартия мен әлемдік допингке қарсы кодексті мойындайды, сонымен қатар жаһандық допингке қарсы қозғалыстың мүшесі», – делінген хабарламада.

Соныен қатар комитет «Дене шынықтыру және спорт туралы» Қазақстан Республикасының Заңына сәйкес бұзушылықтар үшін жеке жауапкершілік спортшының өзі үшін де, оның кәсіби спорттық қызметімен бірге жүретін адамдар үшін де қарастырылғанын еске салды.

22 наурызда Спорттық арбитраждық соттың Допингке қарсы департаменті 2021 жылдың тамызында өткен сот отырысының қорытындысы бойынша қазақстандық спортшы Нижат Рахимовтың ісі бойынша шешім шығарды. Осы шешіммен Рахимов тыйым салынған әдісті қолданғаны үшін кінәлі деп танылып, 2021 жылдың 18 қаңтарынан бастап сегіз жылға дисквалификацияланды, ал 2016 жылдың 15 наурызынан бастап барлық спорттық нәтижелер жойылды.