Нығматулин мен Байбектің Қазақстаннан ұшып кеткені рас па?

Парламент Мәжілісінің бұрынғы төрағасы Нұрлан Нығматулин мен Nur Otan партиясы төрағасының экс-бірінші орынбасары Бауыржан Байбек наурыз айының ортасында Қайрат Сатыбалдыұлы қамауға алынғаннан кейін Қазақстаннан ұшып кетті. Бұл туралы Bugin.kz порталы ҚазТАГ агенттігіне сілтеме жасап хабарлайды.

Агенттіктің хабарлауынша, Нығматулин астанадан Атырауға жеке ұшақпен барып, одан кейін бірден Comlux компаниясының ұшағына мініп, Баку қаласына жол тартқан.

Алматының бұрынғы әкімі, бұрынғы Nur Otan партиясы төрағасының экс-бірінші орынбасары Бауыржан Байбек «ORDA News» YouTube-арнасының хабарлауынша, 15 наурызда Германияға кеткен.

Сонымен бірге ҰҚК төрағасының бұрынғы орынбасары Самат Әбіштің де елден кеткені белгілі болды. Ол Біріккен Араб Әмірлігінің Дубай қаласында деседі.

Бұған дейін Самат Әбіш пен бұрынғы Nur Otan партиясы төрағасының экс-бірінші орынбасары Бауыржан Байбек қамауға алынуы мүмкін деген ақпарат тараған болатын.