Anonymous хакерлері бүкілресейлік телерадиокомпанияға шабуыл жасады

Хакерлердің айтуынша, олар Бүкілресейлік мемлекеттік телерадиохабар тарату компаниясының (ВГТРК) 870 гигабайт деректеріне қол жеткізген, деп хабарлайды Bugin.kz порталы.

Анонимді желі бетінде жарияланған твитте бұзу кезінде алынған деректер «жақында» жарияланады. Қазір барлық ақпарат өңделіп жатыр.

ВГТРК — ресейлік телеарналар, радио және интернет-басылымдар желісі. Құрылымға Ресейдің жетекші мемлекеттік БАҚ кіреді: «Россия» және «Карусель» телеарналары, «Вести», «Маяк», «Культура» радиолары, Vesti.ru сайты.

Anonymous тобы – хакерлердің халықаралық желісі. Олар халықаралық төлем жүйелерін, мемлекеттік органдардың веб-сайттарын бұзып, арнайы қызметтер арасындағы байланыстарды ұстап алумен танымал.