Америкалықтар Байденнің Путинге айтқан сөзінен кейін АҚШ-тың қателіктері туралы айтты

Daily Mail басылымының америкалық оқырмандары демократтардың Ресей лидері Владимир Путинге қатысты дөрекі сөздеріне реакция білдіріп, Ақ үй басшысы Джо Байденге АҚШ-тың тәуелсіз елдерге қарсы агрессиясын еске салды, деп хабарлайды Bugin.kz порталы.

Бір күн бұрын Байден Польшаға сапары кезінде Путин туралы қате мәлімдеме жасап, оны «қасапшы» деп атаған.

«Путин - қасапшы?! Обама екеуің сегіз жыл бойы бір мезгілде жеті егемен елді бомбаладыңдар!» – деп жазды Xiadoni.

«Бұл Кабулда он адамнан тұратын тұтас отбасыны ұшқышсыз ұшақпен өлтірген сайқымазақ. Бүкіл елді тәліптерге қалдырғанын айтпағанда. Басқалар туралы сөйлескенде сәл абай болғаны жөн еді», - дейді Jerry Peach.