Пентагон АҚШ-қа Қытай мен Ресейден келетін басты қатерді атады

Пентагон Ресейді АҚШ-тың ұлттық қауіпсіздігіне төнген «үлкен қатер» деп санайды. Бұл туралы Конгресске ұсынылған АҚШ Қорғаныс министрлігінің құпия Ұлттық қорғаныс Стратегиясында айтылған, деп хабарлайды Bugin.kz порталы CNN басылымына сілтеме жасап.

Құжатта Қытайдан келетін «көпқырлы» қауіп, сондай-ақ Ресейден келетін «үлкен қатер» туралы егжей-тегжейлі мәлімет берілген. Стратегия ядролық саясат пен зымыранға қарсы қорғанысты ескере отырып дайындалған.

Қорғаныс министрлігі Отанды қорғауды басты басымдық деп санайды және Қытайды «ең маңызды стратегиялық бәсекелес» деп сипаттайды.

Пентагонның басқа да басты басымдықтары стратегиялық шабуылдарды, агрессияны болдырмау, қажет кезде қақтығыстарда табысқа жетуге дайын болу және тұрақты біріктіруші күш құру болып табылады.

Біз сондай-ақ КХДР, Иран және бірқатар экстремистік ұйымдардың агрессиясына қарсы тұру туралы айтып отырмыз.