Ресейлік оппозиционер: «Путин Украинаға қарсы соғыс бастағанына өкініп отыр»

Ресейдегі билеуші ​​элита мүшелерінің басым көпшілігі Украинадағы соғысқа байланысты өткен айдағы оқиғаларды «кері айналдырғысы» келеді. Олар да Ресей Федерациясынан кеткісі келеді, алайда «міндетті патриотизмге» байланысты мұны істей алмайды. Бұл пікірді «Обозреватель» басылымына берген сұхбатында ресейлік оппозициялық саясаткер, журналист Игорь Яковенко айтты, деп хабарлайды Bugin.kz порталы.

Оппозиционер Яковенконың айтуынша, Ресей президенті Владимир Путин бәрі жоспар бойынша жүріп жатқанына сенімді.

- «Жоғары мемлекеттік шенеуніктердің басым көпшілігі бәрін кері қайтарғысы келетініне сенімдімін. Мұның бәрі Путиннің басындағы ессіздіктің арқасында орын алуда», - деді Яковенко.

Бірақ, оппозиционердің айтуынша, «Путин ештеңені артқа айналдырғысы келмейді. Ол бәрі жоспар бойынша жүріп жатыр, бәрі жақсы деп есептейді».

Яковенко түсіндіргендей, Ресей Федерациясының қарапайым азаматтарының көпшілігі Ресей армиясының Украинадағы орасан зор шығындары туралы білмейді. Сонымен қатар Ресейге қарсы экономикалық санкциялардың уақытша құбылыс екеніне сенімді.

Бұл тұрғыда Яковенко: «Шынында да, шығындар өте көп. Егер біз шешен соғысының немесе Ауған соғысының, тіпті екінші дүниежүзілік соғыстың ұқсас кезеңдерімен салыстыратын болсақ, онда бүгінгі күнге дейін шығындар өте көп», - деп атап өтті.

Оның айтуынша, Ресейдің қиын жағдайға тап болғанын ескере отырып, бірқатар мемлекеттік шенеуніктердің елді тастап кетуіне тыйым салынған.  

- «Мемлекеттік Думаның «Единая Россия» фракциясының депутаттарына елден шығуға тыйым салынды. Керісінше, Ресейдің жаңа Путиндік дворяндары үшін - жоғары жақтағылар үшін, крепостнойлық тәртіп орнады», - деп түсіндірді оппозиционер.