Зеленский Ресейге қарсы санкцияларды күшейтуге шақырды

Украина президенті Владимир Зеленский Батыстан Ресейге қарсы санкцияларды күшейтуді талап етті. Бұл туралы ол Австралия парламенті алдында сөйлеген сөзінде айтты, деп хабарлайды Bugin.kz порталы lenta.ru сайтына сілтеме жасап.

«Бізге Ресейге қарсы жаңа санкциялар қажет. Ресей басқа елдерді ядролық зымырандарымен бопсалауды тоқтатпайынша, біз де тоқтамаумыз керек», - деді Зеленский.

Украина президенті ресейлік кемелерді халықаралық порттарға кіргізбеуге және Мәскеумен кез келген бизнесті тоқтатуға шақырды. Ол сондай-ақ Австралияның қосымша көмегінен үміттенетінін атап өтті.

Бұған дейін Украина сыртқы істер министрі Дмитрий Кулеба Украина төңірегіндегі жағдайға байланысты Еуроодақ елдерімен Ресейге қарсы санкциялар бойынша келіссөздер жүргізу қиындап бара жатқанын айтқан болатын.

Ал Еуропада Ресейге салынған санкцияларға байланысты ауылшаруашылық өнімдері қымбаттауы мүмкін. Мамандардың айтуынша, тыңайтқыштар мен энергия тасымалдаушыларды экспорттауға тыйым салу егін өнімінің төмендеуіне әкеледі.