Ресей әскері Беларусьтегі соғыс техникаларын Мәскеуге әкетті

Беларусь жерінде қаңтарылып тұрған ресей әскерінің соғыс техникалары Мәскеуге қарай жол тартты. Бұл жайлы Украинская правда басылымы жазды.

Басылым тілшісінің айтуынша, ресейге 100-ден аса әскери техникаға қайтып бара жатқан көрінеді.

"Әскери техникалардың сыртында "V" таңбасы бар. Минскіден Мәскеуге қарай жол тартып барады. Арасында Урал мен КамАЗ, УАЗ Патриот, Кунги, жанармай таситын көліктер мен автобустар бар. Ең қызығы да сол – Ресей бұрын әскери техникаларын пойызбен әкеп, пойызбен әкететін. Ал бұл жолы тас жолмен кетіп барады", - деп жазады басылым журналисі.