Ядролық қару: Солтүстік Корея Оңтүстік Кореяға сес көрсетті

Пхеньян Оңтүстік Корея қарулы текетіреске баратын болса, ядролық қару қолданатынын Солтүстік Корея президентінің қарындасы, Еңбек партиясының Орталық комиссия басшысының орынбасары Ким Е Чжон айтты. Бұл туралы Bugin.kz порталы РИА Новости сайтына сілтеме жасап хабарлайды.

«Егер Оңтүстік Корея әскери текетіреске барса, біздің ядролық күштер өз міндетін атқарады», - деді Ким Е Чжон.

Айта кетейік, бұған дейін Оңтүстік Корея қорғаныс министрі Со Ук Солтүстік Кореяның ядролық соққы жасау мүмкіндігі туралы айтқан болатын. Алайда Ким Е Чжон оның сөздерін жоққа шығарды.