Зеленский мәлімдеме жасады: «Путинмен кездесуге дайынмын»

Украина президенті Владимир Зеленский Ресей президенті Владимир Путинмен кездесуге дайын екенін тағы да мәлімдеді. Бірақ ол кездесудің өтпеуі мүмкін екенін жоққа шығармады. Бұл туралы Президент ақпараттық телемарафон барысында журналистерге берген сұхбатында айтты, деп хабарлайды Bugin.kz порталы УНИАН басылымына сілтеме жасап.

Ол Ресей басқыншыларының Украинадағы әрекеттерін кешіруге болмайтынын атап өтті.

- «Әрбір қайғылы оқиға, әрбір осындай «Буча» белгілі бір келіссөздердің жасалуына зиянын тигізеді. Дегенмен, мұндай қадамдар үшін мүмкіндіктер табу керек», - деді Зеленский.

Президенттің айтуынша, Украинаның мұндай келіссөздерде Ресей Федерациясына қарағанда күшті ұстанымы болуы керек, сондықтан бізге қоғамды біріктіру, мемлекетімізге қуатты қару қажет. Украина президенті, «қадамдарды нық басу керек» деп баса айтты.

Зеленскийдің айтуынша, бүгінде Путинмен келіссөздер қажет емес деп санау «ең оңай» ұстаным.

- «Мен Путинмен келіссөз жүргізбеймін деп айту оңай. Оларды жау деп тану, Ресейдің Украинаға қарсы нақты соғысы екенін білу. Олардың барлығы жазалануы керек. Бұл үшін және осы ұстаныммен келіссөз жүргізуге мүмкіндіктер табамыз. Ал осы кездесуде бұл жағдайдан шығудың жолын тауып, өз территориямызды жоғалтпауға тырысамыз», - деді Зеленский.